មណ្ឌល​សកម្មភាព​កាតូលិក​មួយ​នៅមីយ៉ាន់ម៉ារងការ​ទម្លាក់​គ្រាប់បែក

កងទ័ពមីយ៉ាន់ម៉ាបានវាយប្រហារ និងបំផ្លាញមណ្ឌលសកម្មភាព​​នៅព្រះវិហារ សន្តមីកាអែល ( St. Michael's Catholic ) ក្នុងទីក្រុង ណាន ហ្លាំង ( Nan Hlaing)  ដែលជាតំបន់ជនបទនៃភូមិភាគ បានម៉វ ( Banmaw )ភាគខាងជើងប្រទេសមីយ៉ាន់ម៉ា។

មណ្ឌលសកម្មភាព​នេះ បានរងនូវការវាយប្រហារដោយការវាយឆ្មក់ទម្លាក់គ្រាប់បែកកាលពីថ្ងៃទី ៣ ខែមីនា ឆ្នាំ ២០២៥។

លោកបូជចារ្យ វ៉ីលប៊ឺត មីរ៉េហ្វ (Wilbert Mireh) អ្នកទទួល​ខុស​ត្រូវ​​ព្រះសហគមន៍នោះ បានរាយការណ៍ថា កាំភ្លើងធំចំនួន៥គ្រាប់ និងគ្រាប់បែកទម្លាក់ពីលើអាកាសចំនួនពីរបានវាយប្រហារបរិវេណព្រះវិហារ បណ្តាលឲ្យខូចខាតយ៉ាងធ្ងន់ធ្ងរ ប៉ុន្តែគ្មានអ្នកគ្រោះថ្នាក់នោះទេ។

លោក​បូជាចារ្យបាននិយាយថា «ខ្ញុំសូមអរព្រះគុណព្រះជាម្ចាស់ដែលពួកយើងមានសុវត្ថិភាព ទោះបីជាមនុស្សនៅទីនេះកំពុងតស៊ូដើម្បីរស់រានមានជីវិត ហើយគ្មានសាលារៀន គ្លីនីក ឬហាងនានាក៏ដោយ»។

លោក​បូជាចារ្យបាន​មាន​ប្រសាសន៍​ថា វា​គ្រោះថ្នាក់​ខ្លាំងណាស់​ ប្រសិន​បើ​បន្ត​នៅ​ក្នុង​​​ព្រះវិហារ​ដែល​បាន​ខូច​ខាត​នេះ។

ភូមិភាគ បានម៉័ ដែលមានទីតាំងនៅរដ្ឋ កាឈីន គឺមានទីតាំង​ស្ថិតនៅចម្ងាយប្រហែល ១៨៦ គីឡូម៉ែត្រភាគខាងត្បូងនៃរដ្ឋធានីមីតគីយីណា (Myitkyina)៕