សង្គមគួរតែប្រើច្បាប់ជាគោល ! អ្នកមាន អ្នកក្រ មន្រ្តី រាស្រ្ត ខុសត្រូវគឺត្រូវទទួលខុសត្រូវដោយច្បាប់

ច្បាប់គឺជាដែនកំណត់ព្រំដែននិងសេរីភាព ហើយក៏ជារង្វាស់នៃភាពត្រឹមត្រូវរបស់សមាជិកសង្គម ទាំងអស់មិនថា អ្នកណាឫអ្នកណានោះទេ ។

មនុស្សគ្រប់គ្នាគឺត្រូវនៅក្រោមដែនកំណត់នៃច្បាប់ ហើយច្បាប់នោះក៏មានដែនកំណត់និងវិសាល ភាពទៅតាមនោះដែរ ។ នៅកម្ពុជាគឺត្រូវអនុវត្តនិងគោរពច្បាប់កម្ពុជា ហើយនៅប្រទេសផ្សេង គឺត្រូវគោរពដែនកំណត់នៃច្បាប់ផ្សេងរបស់ប្រទេសគេ ។ ក្រៅពីនោះក៏មាននិតិវិធីច្បាប់អន្តរជាតិមួយបន្ថែមទៀត ដើម្បីដោះស្រាយបញ្ហាឆ្លងប្រទេស ។​

នៅពេលថ្មីៗនេះពាក់ព័ន្ធនឹងរឿងទុរេនមួយ គឺកំពុងតែមានចម្រូងចម្រាស់និងមតិយោបល់នានា ពេញបណ្តាញសង្គម ជាពិសេសក្រោយពេលដែលស្រ្តីដែលជាឈ្មួញទុរេន នាំចូលពីថៃដោយខុសច្បាប់ ២ តោនថ្មីៗនេះ ដែលកំពុងតែប្រឈមមុខនឹងពិរុទ្ធភាពតាមផ្លូវច្បាប់ ។

នៅក្នុងករណីនេះមហាជនខ្លះបានរិះគន់ ខ្លះហាក់សម្រាលទោសនារីដែលសារភាពរូបនោះ ហើយខ្លះ សូមឲ្យស្រាវជ្រាវអ្នកដែលពាក់ព័ន្ធជាពិសេសគឺមន្រ្តីដែលទទួលខុសត្រូវនៅច្រក ដែលស្រ្តីរងពិរុទ្ធបាន សារភាពថា បានទទួលទុរេន ក៏ដូចជាអ្នកពាក់ព័ន្ធនានា។​

នៅក្នុងករណីនេះមហាជនខ្លះបានរិះគន់និងគាំទ្រឲ្យនារីរូបនោះទទួលខុសត្រូវ ខណៈដែលមន្រ្តីពាក់ព័ន្ធផ្សេងទៀតហាក់មិនទាន់មានឃើញមានចំណាត់ការណ៍ច្បាស់លាស់នៅឡើយទេ ​។​

មហាជនបានលើកឡើងថា បញ្ហាទុរនដែលមានបញ្ហាចម្រូងចម្រាស់នេះគួរតែជាសក្ខីកម្មដែលបង្ហាញនូវភាពត្រឹមត្រូវនៃច្បាប់។

នៅក្នុងសង្គមដែលប្រកាន់យកនីតិរដ្ឋ ច្បាប់គឺជាគោលការណ៍ធំបំផុតសម្រាប់ធានាយុត្តិធម៌ សណ្តាប់ធ្នាប់ និងសមភាពរបស់ប្រជាពលរដ្ឋទាំងអស់។ មិនថាជាអ្នកមាន អ្នកក្រ មន្ត្រី ឬប្រជារាស្ត្រធម្មតានោះទេ អ្នកដែលប្រព្រឹត្តខុសត្រូវតែទទួលខុសត្រូវចំពោះមុខច្បាប់ដោយស្មើភាពគ្នា។ នេះគឺជាមូលដ្ឋានសំខាន់នៃសង្គមប្រជាធិបតេយ្យ និងជាកត្តាដែលធ្វើឲ្យប្រជាជនមានជំនឿលើប្រព័ន្ធយុត្តិធម៌។

ករណីពាក់ព័ន្ធនឹងការនាំចូលទុរេនខុសច្បាប់ដែលកំពុងមានការចាប់អារម្មណ៍ពីសាធារណជន គួរត្រូវបានដោះស្រាយដោយផ្អែកលើភស្តុតាង នីតិវិធី និងច្បាប់ជាធរមាន ដោយគ្មានការរើសអើង ឬការលើកលែងចំពោះបុគ្គលណាម្នាក់ឡើយ។ ប្រសិនបើមានអ្នកពាក់ព័ន្ធផ្សេងទៀត រួមទាំងមន្ត្រីដែលមានតួនាទីទទួលខុសត្រូវ ក៏គួរត្រូវបានស៊ើបអង្កេត និងអនុវត្តតាមច្បាប់ដូចគ្នា ដើម្បីបង្ហាញពីភាពត្រឹមត្រូវ តម្លាភាព និងភាពស្មើគ្នាចំពោះមុខច្បាប់។

សរុបទៅការអនុវត្តច្បាប់ដោយត្រឹមត្រូវ មិនមែនមានន័យថាជាការដាក់ទណ្ឌកម្មតែប៉ុណ្ណោះទេ ប៉ុន្តែជាការកសាងទំនុកចិត្តរបស់ប្រជាជនលើស្ថាប័នរដ្ឋ ការពារផលប្រយោជន៍សង្គម និងលើកកម្ពស់វប្បធម៌គោរពច្បាប់នៅកម្ពុជា។ នៅពេលច្បាប់ត្រូវបានអនុវត្តដោយស្មើភាព និងតម្លាភាព នោះសង្គមនឹងមានស្ថិរភាព យុត្តិធម៌ និងការអភិវឌ្ឍប្រកបដោយចីរភាព។