ថ្ងៃទី១១ ខែមិថុនា ឆ្នាំ២០២៥អត្ថបទគម្ពីរ ម៉ាថាយ (៥,១៧-១៩)អត្ថាធិប្បាយគម្ពីរដោយ៖ លោកបូជាចារ្យ រ៉ាជេត ហាសាពូទី

បងប្អូនជាទីគោរពនៅក្នុងអត្ថបទថ្ងៃនេះតាមម៉ាថាយ (៥,១៧-១៩) ព្រះយេស៊ូមានព្រះបន្ទូលថា ព្រះអង្គ​មិន​មក​លុបបំបាត់គម្ពីរវិន័យ ឬគម្ពីរព្យាការីទេ ព្រះអង្គក៏មានព្រះបន្ទូលថា គ្មាន​​ចំណុចណា​នៃ​គម្ពីរ​វិន័យ​ត្រូវ​លុបបំបាត់ឡើយ គឺគម្ពីរទាំងមូលនឹងនៅស្ថិតស្ថេររហូតដល់ទីបំផុត។ ដូច្នេះអត្ដបទនេះបញ្ជាក់ថា​  ព្រះយេស៊ូមិនមកលុបបំបាត់គម្ពីរវិន័យ ឬដាក់បន្ទុកណាមួយនៅក្នុងគម្ពីរវិន័យទេ គឺព្រះអង្គមក​ដើម្បីធ្វើ​ឱ្យ​គម្ពី​រ​វិន័យមានអត្ថន័យពេញលក្ខណៈវិញ។

បងប្អូនជាទីគោរព!  តើព្រះយេស៊ូធ្វើឱ្យគម្ពីរវិន័យមានអត្ថន័យ​ពេញ​លក្ខណៈយ៉ាងដូចម្តេច? ព្រះយេស៊ូ​ធ្វើ​ឱ្យគម្ពីរវិន័យមានអត្ថន័យពេញលក្ខណៈ ​ទីមួយ៖ព្រះជាអម្ចាស់​ចាប់​ផ្តើម​សម្តែងការ​អស្ចារ្យរបស់​ព្រះ​អង្គ​តាមរយៈព្រះយេស៊ូគ្រីស្ត គឺព្រះយេស៊ូចាប់ផ្តើមប្រោសអ្នកជំងឺគ្រប់​ប្រភេទ​ឱ្យបានជាសះស្បើយ។ ទីពី៖​យេស៊ូធ្វើឱ្យព្រះគម្ពីរមានអត្ថន័យពេញ​លក្ខណៈ ដោយ​មាន​ព្រះ​បន្ទូល​ប្រៀន​ប្រដៅ​ដល់​បណ្តាជន​ពីលើ​ភ្នំ​អំពីសេចក្តីសុចរិត ​គឺទំនាក់ទំនង​ត្រឹម​ត្រូវជា​មួយ​ព្រះជាអម្ចាស់ និងជាមួយបងប្អូនឯ​ទៀតៗ។

នេះជាវិន័យដល់សំខាន់ដែលគម្ពីរវិន័យ និងគម្ពីរ​ព្យា​ការីណែនាំបងប្អូនឲ្យកាន់ និងអនុវត្តតាម​នៅក្នុងជីវិត​រស់​នៅរបស់ពួកគេប្រចាំថ្ងៃ។ អ្នកណាគោរពវិន័យនេះ និងអនុវត្តន៍​តាមអ្នកនោះ​ធ្វើឱ្យគម្ពីរ​វិន័យ​មាន​អត្ថ​ន័យ​​ពេញលក្ខណៈ។ ព្រះយេស៊ូព្រះសណ្តាប់គម្ពីរវិន័យ និង​គម្ពីរព្យាការីពិតៗមែន ព្រមទាំងធ្វើ​ឱ្យវា​មាន​អត្ថ​ន័យពេញលក្ខណៈ។ ព្រះយេស៊ូមានទំនាក់​ទំនងត្រឹ​មត្រូវ​ជា​មួយព្រះជាអម្ចាស់ និងបងប្អូនឯទៀតៗ​ផង​ដែរ។

យើងព្យាយាមអនុវត្តន៍តាមវិន័យ និង​បង្រៀន​បងប្អូនឯទៀតៗឲ្យធ្វើតាមវិន័យរបស់ព្រះអង្គ ថ្ងៃ​នេះ​ព្រះ​សហ​គមន៍កាតូលិកនឹក​រំលឹក​បុណ្យ​សន្តបាណាបាសជាគ្រីស្តទូត។ សន្តបាណបាស បាន​អនុវត្តន៍​តាមវិ​ន័យរបស់ព្រះអង្គ នឹង​បង្រៀន​​បណ្តាជនជាច្រើនឲ្យកាន់ និងធ្វើតាមវិន័យផងដែរ។ សូ​មព្រះ​ជា​អម្ចាស់​ប្រោសប្រទានព្រះអំណោយទានពិសេសដល់យើង ដើម្បីឱ្យយើងម្នាក់ៗគោរព និង​អនុវត្តន៍​វិន័យរ​បស់​ព្រះអង្គ​ជានិច្ច និងអាចចូលនៅក្នុងព្រះរាជ្យរបស់​ព្រះជាអម្ចាស់​។ សូមព្រះជា​អម្ចាស់​​ប្រទាន​ពរយើង៕