ទីក្រុងវ៉ាស៊ីនតុនផ្តល់ក្តីសង្ឃឹមនៃបទឈប់បាញ់នៅហ្គាហ្សា

​ក្តីសង្ឃឹមនៃបទឈប់បាញ់រវាងអ៊ីស្រាអែល និងក្រុមហាម៉ាស សាជាថ្មីត្រូវបានបញ្ចេញដោយ​ប្រធានាធិបតីអាម៉េរិក លោកចូ បាយឌិន ដែលប្រាប់អំពីបទឈប់បាញ់ដែល អាចកើតឡើង បានពីឥឡូវទៅដល់សប្តាហ៍ក្រោយ។

ក្តីសង្ឃឹមនៃបទឈប់បាញ់រវាងអ៊ីស្រាអែល និងហាម៉ាស សាជាថ្មីត្រូវបានបង្ហាញដោយ ប្រធានាធិបតអាម៉េរិក លោកចូ បាយឌិន ដែលបានប្រាប់អំពី​លទ្ធភាពនៃបទឈប់បាញ់ពី ពេល​នេះរហូតដល់សប្តាហ៍ក្រោយនៅខណៈ​ដែលវិបត្តិមនុស្សធម៌គំរាមកំហែងប្រែក្លាយទៅ ជាគ្រោះទុរភិក្សនៅហ្គាហ្សា។

អេហ្ស៊ីប កាតា សហរដ្ឋអាម៉េរិក បារាំង និងប្រទេសដទៃៗ ទៀត ព្យាយាមចរចា ជាច្រើន សប្តាហមកហើយ អំពីបទឈប់បាញ់ថ្មី​រវាងអ៊ីស្រាអែល និងហាម៉ាស។ បើយោង​តាមប្រភព​ពី​ក្នុង​ចលនាឥស្លាមប៉ាឡេស្ទីន ហាម៉ាស ការពិភាក្សាគឺធ្វើឡើងនៅលើបទឈប់បាញ រយៈ ពេល ៦សប្តាហ៍ ដែលពាក់ព័ន្ធ​នឹងការ​ដោះ​លែងចំណាប់ខ្មាំងដែលចាំឃុំឃាំង ដោយក្រុម ហាម៉ាស និងការដោះលែង​អ្នកទោសប៉ាឡេស្ទីន ដែលចាប់ដោយអ៊ីស្រាអែល ព្រមទាំង​ការ ចូលទៅក្នុងដែនដីហ្គាហ្សា​នូវ​បរិមាណជំនួយមនុស្សធម៌ដ៏ច្រើនផងដែរ។

កាលពីល្ងាចថ្ងៃចន្ទ នៅទីក្រុងញូយ៉ក ប្រធានាធិបតីអាម៉េរិក បានថ្លែងថា ៖ លោកសង្ឃឹមថា ពី​ឥឡូវ​ទៅដល់ថ្ងៃចន្ទសប្តាហ៍ក្រោយថា យើងមានការឈប់បាញ់។ លោកបានឆ្លៀតប្រាប់ថា ទីប្រឹក្សារបស់លោកសម្រាប់សន្តិសុខជាតិនិយាយប្រាប់លោកថា យើងខិតទៅជិត ប៉ុន្តែមិន​ទាន់​​សម្រេចនោះ​ទេ”។

ប៉ុន្តែលោកបេនយ៉ាម៊ីន ណេតាន់យ៉ាហ៊ូ កាលពីថ្ងៃអាទិត្យ បានអះអាងសាជាថ្មីថា អ៊ីស្រាអែល​នឹង​ធ្វើប្រតិបត្តិការ​ដែនគោក ប្រឆាំងនឹងក្រុមរ៉ាហ្វ៉ា ដែលតាមរូប​លោក​នឹងអាចយក​ជ័យជម្នះ​ទាំងស្រុង​លើក្រុមហាម៉ាសក្នុងប៉ុន្មានសប្តាហ៍ខាងមុខ។ បទឈប់បាញ់ គ្មានអ្វីក្រៅពីធ្វើឲ្យ​យឺត​យ៉ាវ​ដល់​ការវាយប្រហារនេះប៉ុណ្ណោះ។

កាលពីថ្ងៃអង្គារ អ៊ីស្រាអែលបានចាប់ផ្តើមបោះឆ្នោតក្រុងខេត្ត ប៉ុន្តែត្រូវបានធ្វើឲ្យអាកខាន​ជាច្រើនដោយហេតុផលនៃសង្រ្គាមរវាងអ៊ីស្រាអែល និងហាម៉ាសប៉ាឡេស្ទីន នៅក្នុងដែនដី​ហ្គាហ្សា។ នៅអំឡុងពេលសង្រ្គាមពេញទំហឹង ប្រជាជនអ៊ីស្រាអែលប្រមាណ ៧,២ លាន​នាក់​ត្រូវ​​បាន​អំពាវ​នាវ​ទៅកាន់ការិយាល័យបោះឆ្នោត​នៅអ៊ីស្រាអែល នៅទីក្រុងហ្សេរុយសាឡឹម នៅ​អាណានិគម​​របស់អ៊ីស្រាអែលនៅស៊ីហ្ស័កដានី និងមួយផ្នែក​នៃតំបន់ហ្គោឡង់ ដែល​អ៊ីស្រាអែល​បានភ្ជាប់​ជាឧបសម្ព័ន្ធ។ ប៉ុន្តែក្រុងខេត្តមួយចំនួន បានអាកខាន មានជាអាទិ៍ នៅ​ក្នុង​​ទីក្រុង និងដែនដីនៅជិត​តំបន់​ហ្គាហ្សា ព្រមទាំងទីក្រុងនានានៅភាគខាងជើងអ៊ីស្រាអែល និង​តំបន់​ហេបូឡានៅលីបង់។

ក្រសួងសុខាភិបាលប៉ាឡេស្ទីន ទទួលព័ត៌មានដែលផ្តល់ដោយមន្ទីរពេទ្យនានានៅដែនដី​ហ្គាហ្សា តាមរយៈ​អង្គការអឌ្ឍចន្ទក្រហមប៉ាឡេស្ទីន។​ ក្រសួងសុខាភិបាលនៅហ្គាហ្សាមិន​បាន​បង្ហាញថា ជនជាតិប៉ាឡេស្ទីនត្រូវបានសម្លាប់តាមរបៀបណាទេ ជួនកាលអាចមកពីការ​វាយ​ប្រហារ​ផ្លូវអាកាស ការបាញ់គ្រាប់របស់អ៊ីស្រាអែល ឬក៏អាចជា​គ្រាប់រ៉ូកែត​របស់​ប៉ាឡេស្ទីន​​ដែល​រត់ខុសផ្លូវ។ ក្រសួងបានពិព៌នាថា ជនរង់គ្រោះទាំងអស់ គឺជាជនរងគ្រោះ​ពី​ការ​​ឈ្លាន​ពាន​របស់អ៊ីស្រាអែល ហើយក៏មិនបានបែងចែករវាងជនស៊ីវិល និងកងកម្លាំងដែរ។

ក្នុងអំឡុងសង្រ្គាមចំនួន ៤ និងការប៉ះទង្គិចជាច្រើនរវាងអ៊ីស្រាអែល និងក្រុមហាម៉ាស ទីភ្នាក់​ងារ​នៃអង្គការសហប្រជាជាតិ ជាទៀងទាត់ បានលើកឡើងពីតួលេខ​របស់ក្រសួង​សុខាភិបាលហាម៉ាស​​នៅ​ក្នុងរបាយការណ៍របស់ពួកគេ។ គណៈកម្មាធិការអន្តរជាតិ​នៃ​កាក​បាទ​ក្រហម និង​អឌ្ឍ​ចន្ទ​ក្រហម​ប៉ាឡេស្ទីន ក៏ប្រើប្រាស់តួលេខនេះដែរ។