សម្តេចប៉ាបហ្រ្វង់ស៊ីស្កូបានជំរុញឱ្យក្រុមលោកអភិបាលមកពីតំបន់ព្រំដែននៃប្រទេសកូឡុំប៊ី និងកូស្តារីកា រួមជាមួយនឹងក្រុមលោកអភិបាលនៅប្រទេសប៉ាណាម៉ា លុបបំបាត់ភាពព្រងើយកន្តើយ ចំពោះជនចំណាកស្រុក និងជនភៀសខ្លួនដែលឆ្លងកាត់តំបន់ដារៀន ហ្គេប ( Darien Gap) រវាងប៉ាណាម៉ា និងកូឡុំប៊ី។
វ៉ាទីកង់ញូវបានរាយការណ៍ថា សម្តេចប៉ាប បានមានបន្ទូល នៅក្នុងសារមួយទៅកាន់ក្រុមលោក អភិបាល ដែលបានចេញផ្សាយកាលពីថ្ងៃពុធថា ពួកគេកំពុងរង់ចាំយើងនៅលើច្រាំងនៃសមុទ្រនៃទឹកភ្នែកនិងការស្លាប់របស់ បុរសនិងស្ត្រី និង កុមារជាច្រើននាក់ ។
ក្រុមលោកអភិបាល មកពីប្រទេសទាំងបីបានជួបប្រជុំគ្នានៅប្រទេសប៉ាណាម៉ាដើម្បីពិភាក្សាដោយផ្តោតជាពិសេសលើការប្រកាសដំណឹងល្អ ទៅកាន់ជនចំណាកស្រុករាប់រយ នាក់ដែលព្យាយាមឆ្លងកាត់ តំបន់ដារៀន ហ្គេប ដែលជាតំបន់មួយ ស្ថិតនៅចន្លោះរវាងអាមេរិកកណ្តាល និងខាងត្បូង។
កាលពីឆ្នាំ ២០២៣ មានជនចំណាកស្រុកជាង ៥សែន នាក់ត្រូវបានគេប៉ាន់ស្មានថាបានឆ្លងកាត់ច្រករបៀង រវាងប្រទេសកូឡុំប៊ី និងប៉ាណាម៉ាហើយនៅឆ្នាំ២០២៤ ច្រកនេះ ត្រូវបានគេ រំពឹងថា នឹងក្លាយជាច្រកមរណៈមួយសម្រាប់ជនភៀសខ្លួន។
នៅក្នុងសារលិខិតរបស់ទ្រង់ទៅកាន់ក្រុមលោកអភិបាលទាំងនោះ សម្តេចប៉ាប បានគូសបញ្ជាក់ពីកិច្ចខិតខំប្រឹងប្រែងរបស់ព្រះសហគមន៍នៅអាមេរិកឡាទីន និងតំបន់ការ៉ាប៊ីន ដែលតែងតែស្វែងរកដើម្បីក្លាយជាសកម្ម គ្មានព្រំដែនដើម្បីជួយជនភៀខ្លួន។
សម្តេចប៉ាបបានមានបន្ទូលថា រាល់ជនភៀសខ្លួន និងជនចំណាកស្រុកដែលចាកចេញពីស្រុកកំណើតរបស់ពួកគេ ជាជាបញ្ហារបស់ គ្រីស្តបរិស័ទ។
សម្តេចប៉ាប បានមានប្រសាសន៍ថា ទ្រង់សូមលើកទឹកចិត្តអ្នកឱ្យធ្វើការដោយមិននឿយហត់ ដើម្បីលុបបំបាត់ការព្រងើយកន្តើយនេះ” ដូច្នេះថា នៅពេលដែលបងប្អូនប្រុសស្រីដែលធ្វើចំណាកស្រុកមកដល់ ពួកគេនឹងរកឃើញព្រះសហគមន៍ ជាកន្លែងដែលពួកគេមិនមានអារម្មណ៍តានតឹង ប៉ុន្តែត្រូវបានស្វាគមន៍។ កន្លែងណាដែលការស្រេកឃ្លានអាចត្រូវបានពន្លត់ ហើយក្តីសង្ឃឹមបានរស់ឡើងវិញ៕
Daily Program
