ជំនឿ

បាទជម្រាបសួរ បងប្អូនជាទីស្រឡាញ់! នៅថ្ងៃនេះជាបុណ្យព្រះនាងម៉ារីតាម​មាលា​ ឬ​តាម​ផ្គាំ។ បាទ បងប្អូនដឹងហើយនៅក្នុងព្រឹត្តិការណ៍ថ្ងៃនេះជាព្រឹត្តិការណ៍សំខាន់មែនទែន ដែលធ្វើឲ្យខែនេះជាខែនៃផ្គាំ ឬ​​ខែនៃការអធិដ្ឋានមាលាជាចំនុចសំខាន់មួយរបស់ព្រះនាងម៉ារីក្នុងការជួយជំរុញជីវិតយើង ព្រោះព្រះ​នាង​ជាគំរូសម្រាប់អស់អ្នកដែលបំរើព្រះជាម្ចាស់ មិនថាតាមផ្លូវកាយ ឬក៏តាមផ្លូវវិញ្ញាណ។

បងប្អូនជាទីស្រឡាញ់! នៅថ្ងៃនេះយើងស្ដាប់ព្រះបន្ទូលរបស់ព្រះយេស៊ូដែលកំពុងតែប្រកាសដំណឹងល្អ ហើយ​ក៏បានឃើញក្រុមការងារមួយមិនស្វាគមន៍ព្រះអង្គ ឃើញដូច្នោះសាវ័ក​ក៏ចង់​ឲ្យព្រះយេ​ស៊ូបំផ្លាញ​ពួក​គាត់ តែព្រះយេស៊ូបានឆ្លើយថា ទុកឲ្យគាត់ចឹងទៅ! បើគាត់មិនស្វាគមន៍មិនអីទេ! ព្រះអង្គក៏​សុខចិត្ត​តែ​ទៅ​ក្នុង​ភូមិផ្សេងៗទៀត។

បងប្អូនជាទីគោរព! នៅក្នុងអត្ថបទថ្ងៃនេះលោកលូកា(ជំពូក១១,១-៤)ព្រះយេស៊ូ​បាន​បង្រៀន​សា​វ័ក​​​អំពី​រ​បៀបអធិដ្ឋាន។

បងប្អូនជាទីស្រឡាញ់! នៅថ្ងៃនេះគឺជាបុណ្យពិសេសនៅក្នុងព្រះសហគមន៍កាតូលិក យើងរំលឹកបុណ្យ​សន្ត​ទេវទូតទាំងឡាយពិសេសទេវទូតដែលការពារ គឺព្រះជាម្ចាស់បានប្រទានឲ្យយើងម្នាក់ៗបានទេវ​ទូត​មួយរូបដើម្បីជួយការពារ ណែនាំយើង ដើរតាមនឹងសង្គ្រោះ។ ប្រហែលជាបងប្អូនឆ្ងល់ ពីព្រោះ​គ្មាន​នរណា​ម្នាក់​បានឃើញ ឬជួបទេវទូតទេ ប៉ុន្តែនៅក្នុងព្រះគម្ពីរយើងឃើញមានទាំងទេវទូត និងអគ្គទេវទូត។

អត្ថបទព្រះគម្ពីរថ្ងៃនេះ ព្រះយេស៊ូប្រើព្រះបន្ទូលប្រស្នាមិនមែនជារឿងពិត តែជារបៀបដែលព្រះ​យេស៊ូ​ឲ្យ​យើង​ស្រមៃគិតពិចារណាពីភាពអយុត្តិធម៌ក្នុងសង្គម។ ពេលខ្លះយើងឃើញ​បុគ្គលម្នាក់យើងគិតថា គាត់​អ​ភ័​ព្វ គ្មានសំណាង ប្រហែលក្នុងជីវិតគាត់មានបញ្ហា តែយើងមិនដឹង។ យើងដូចជា... យើង​គិត​ប្រហែ​ល​ជាតិ​មុនគាត់មានបញ្ហាដែរ យើងអត់ដឹងច្បាស់ នឹងមិនយល់ ហេតុអ្វីបានជាគាត់នោះឈ្មោះលោកឡា​សា​រ​ ក្នុងរឿងប្រស្នារបស់ព្រះយេស៊ូ ហេតុអ្វីបានជាគាត់ក្រីក្រ?

ព្រះបន្ទូល​ដំណឹង​ល្អ​ថ្ងៃនេះ យើងឃើញថាប្រជាជន​បាន​ស្ញើច​សរសើរ​ព្រះយេស៊ូ​នូវ​សេចក្តី​ដែល​ព្រះអង្គ​បាន​ធ្វើ​ការ​អស្ចារ្យ នឹង​ការ​បង្រៀន ទ្រង់​បាន​ឆ្លើយ​ទៅ​គេ​ថាបន្តិច​ទៀតនឹង​មាន​គេ​មក​ចាប់​ព្រះអង្គ​បញ្ជូន​ទៅ​​​កាត់​ក្តី។

ព្រះបាទ​ហេរ៉ូឌ​គាត់​ឮ គេនិយាយ​អំពី​ព្រះយេស៊ូ គាត់​ស្គាល់ ហើយ​គាត់​ចង់ជួប​ព្រះយេស៊ូ ប៉ុន្តែ​ហេតុ​អ្វី​បាន​ជា​គាត់​ចង់​ជួប​ព្រះយេស៊ូ? ប្រហែល​ជា​គាត់​ចង់​ឃើញ​ព្រះយេស៊ូ​ធ្វើ​ការ​អស្ចារ្យ គាត់​ចង់​ឲ្យ​ព្រះយេស៊ូ​ធ្វើ​អព្ភូតហេតុ​ដ៏​ធំ ដើម្បីឲ្យគាត់​សប្បាយ។ ក្រោយមកព្រះយេស៊ូក៏​បានធ្វើ​តាម​ព្រះហឫទ័យ​របស់​ស្តេច នៅពេល​គេ​ចាប់ព្រះអង្គដើម្បីកាត់ទោះ អ្នកទាំងនោះក៏​នាំ​ព្រះយេស៊ូ​ទៅ​ជួប​ព្រះបាទ​ហេរ៉ូឌ ដើម្បី​ឲ្យ​ព្រះបាទ​ហេរ៉ូឌ​កាត់​ទោស​ដែរ។

បងប្អូនជា VIP! VIP ប្រែថាជាអ្នកមានឋានៈ អ្នកធំៗ ប៉ុន្តែនៅទីនេះព្រះអង្គមានព្រះបន្ទូលថា បងប្អូនជា VIP។ VIP របស់ព្រះជាម្ចាស់ដែលនឹងមានកន្លែងពិសេសនៅឋានបរមសុខ។ ក្នុងអត្ថបទព្រះគម្ពីរ ថ្ងៃ​អា​ទិត្យ​នេះ ជាថ្ងៃអាទិត្យទី ២២ ក្នុងរដូវធម្មតាជាគ្រីស្តបរិស័ទ យើងបានស្តាប់ព្រះបន្ទូល ហើយយើង​បាន​ងឿ​ងឆ្ងល់ ហេតុអីបានជាព្រះអង្គរាប់យើងជា VIP? ព្រះអង្គគាប់ព្រះហឫទ័យឲ្យ​យើងមាន​កៅអីពិសេស​ចំពោះ​ព្រះអង្គនៅឋានបរមសុខ។ ព្រះអង្គឲ្យយើងរួបរួមគ្នានៅពេលដែលព្រះអង្គធ្វើពិធីជប់លៀង ​កូន​ចៀម​មាន ន័យថាជប់លៀងចុងក្រោយ ជប់លៀងអស់កល្បជានិច្ចនៅឋានបរមសុខ។

ជម្រាបសួរ បងប្អូនជាទីស្រឡាញ់! ខ្ញុំអញ្ជើញបងប្អូនអធិដ្ឋាន ទីណាមានមេត្តានិងសេចក្តីស្រឡាញ់ ព្រះ​ជា​ម្ចាស់គង់ជាមួយយើង! ឥឡូវស្ថានភាពនៃសង្រ្គាមធ្វើឲ្យបាក់បែក ធ្វើឲ្យមានទុក្ខវេទនាទាំងអស់នេះ យើង​សូមទូលអង្វរព្រះជាម្ចាស់ សូមឲ្យរាជរដ្ឋាភិបាលទាំង២ប្រទេសប្រទេសយើង និងប្រទេសថៃ ចេះរិះ​គិត​ជាមួយគ្នា រកដំណោះស្រាយដោយសន្តិវិធី ជាប្រយោជន៍រួមសម្រាប់ប្រទេសទាំងពីរ និងប្រជាជន។

នៅ​ក្នុង​អត្ថបទ​ព្រះ​គម្ពីរ​ដំណឹង​ល្អ​នៅ​​ថ្ងៃ​នេះ ​ព្រះយេស៊ូ​បាន​លើក​ឡើង​អំពី​ស្ដ្រី​ក្រមុំ​ទាំង១០នាក់។ ស្ដ្រី​ក្រមុំ​ទាំង១០នាក់​នោះ គឺ​មាន៥នាក់ជា​ស្ដ្រី​ក្រមុំ​ដែល​ចេះ​ត្រៀម​ខ្លួនយក​ចង្កៀង​​និងប្រងទៅដើម្បី​បង្កា។ រីឯ​ស្ដ្រី​ក្រមុំ៥នាក់​ទៀតយកតែ​ចង្កៀង​ទៅ នៅ​​ពាក់​កណ្ដាល​អាត្រាតក៏អស់​ប្រេង ហើយមានតែស្រ្តី៥នាក់​ប៉ុណ្ណោះ​ដែលមានគំនិត។​

នៅថ្ងៃនេះបុណ្យសន្តីអូគូស្តាំង ឬសន្តអូគូស្ទីន គឺជាមនុស្សម្នាក់ដែលគេហៅថាបិតាព្រះសហគមន៍។ គាត់​គឺ​ជា​មនុស្សម្នាក់ដែលជួយបង្កើតគោលលទ្ធិតាមគ្រីស្តសាសនា តាមព្រះសហគមន៍កាតូលិកនៅ​សតវត្ស​ទី៤-៥។ គាត់ជាសន្តបុគ្គលដ៏អស្ចារ្យ គាត់បាននិពន្ធសៀវភៅជាច្រើន ជាពិសេសសៀវភៅមានឈ្មោះថា​ “ទីក្រុងរបស់ព្រះជាម្ចាស់ និងទីក្រុងរបស់មនុស្ស”។

ព្រះបន្ទូលថ្ងៃនេះជាពាក្យរិះគន់របស់ព្រះយេស៊ូចំពោះពួកផារ៉ាស៊ី និងពួកធម្មាចារ្យដែល​តែងតែ​យក​ព្រះ​បន្ទូ​ល យកធម្មវិន័យទៅអនុវត្ត មិនត្រឹមត្រូវទេ។ របៀបដែលគាត់បង្រៀន ខ្វះខាតចំណុច​ដែលជា​ខ្លឹមនៃ​ធម្ម​វិន័យ​ទាំងអស់នោះ។

ជម្រាបសួរបងប្អូន​ទាំងអស់គ្នា! ថ្ងៃនេះជាថ្ងៃអាទិត្យទី២១ក្នុងរដូវធម្មតា អត្ថបទ​ព្រះគម្ពីរ​ដែល​យើង បាន​ប្រកាស​ក្នុងពិធីបុណ្យសក្ការៈបូជា ជាសំណួរដែលមានច្រើនដងច្រើនសារក្នុងជីវិតយើង ជាសំណួរដែល​បុរស​ម្នាក់ហ៊ានសួរទៅព្រះយេស៊ូ តើមានមនុស្សប៉ុន្មាននាក់ដែលត្រូវព្រះយេស៊ូសង្គ្រោះ? តើព្រះយេស៊ូ​សង្គ្រោះមនុស្សប៉ុន្មាននាក់? ក្នុងជីវិតរបស់យើង បើសិនគ្មានព្រះយេស៊ូ ជីវិតរបស់យើងគ្មានអនាគតទេ។

នៅពេលវេលានេះ ខ្ញុំសូមអញ្ជើញបងប្អូនចូលរួមអធិស្ឋានដើម្បីសុំព្រះវិញ្ញាណជួយបំភ្លឺ ជួយណែនាំយើង ដើម្បីឱ្យ សន្តិភាព មានកើតឡើងចំពោះប្រទេសយើងទាំងពីរ ទាំងប្រទេសថៃ ប្រទេសខ្មែរដែលកំពុងតែមានសង្គ្រាមជាមួយគ្នានេះ។ ជាពិសេសសូមព្រះវិញ្ញាណជួយបំភ្លឺ ជួយណែនាំដល់ថ្នាក់ដឹកនាំទាំងប្រទេសយើង ទាំងប្រទេសថៃ ដើម្បីសូមលោកទាំងពីររកដំណោះស្រាយដោយសន្តិវិធី និងនាំសន្តិភាពដល់ប្រទេសទាំងពីរ។

អត្ថបទព្រះគម្ពីរដំណឹងល្អនៅក្នុងថ្ងៃនេះ យើងឃើញថាការសន្ទនារវាងទេវទូតកាព្រីអែល​ និងនាងម៉ារី ដែល​ពួកគាត់សន្ទនាជាមួយគ្នាអំពីបេសកកម្មដែលនាងម៉ារីត្រូវទទួល។ ខ្ញុំចង់ចែកជាមួយបង​ប្អូនបី​ចំណុច​ ទីមួយ៖ គឺអំពីអំណរសប្បាយដែលនាងម៉ារីនឹងទទួល! ព្រះជាម្ចាស់​បានត្រាស់ហៅនាង​ម៉ារីឱ្យក្លាយ​ជា​មា​តា​របស់ព្រះយេស៊ូ។ ហើយព្រះជាម្ចាស់បានត្រាស់ហៅនាងម៉ារីឱ្យក្លាយជាបុគ្គលម្នាក់​ដែល​រស់​នៅ​ជា​គំ​រូ ដោយ​ស្តាប់ព្រះសូរសៀងរបស់ព្រះជាម្ចាស់ និងយល់ព្រមធ្វើតាមពាក្យរបស់ព្រះអង្គ។

ជម្រាបសួរបងប្អូនជាទីស្រឡាញ់! ព្រះបន្ទូលថ្ងៃនេះគឺល្អណាស់សម្រាប់យើងជាគ្រីស្តបរិស័ទដើម្បីដើរតាមមព្រះអង្គ។ ម៉ាថាយ(១៩,២៣-៣០) ព្រះយេស៊ូចង់ឱ្យយើងចិត្តតែមួយជាមួយនិងព្រះអង្គ គឺដើរតាមព្រះអង្គដោយចិត្តលះបង់។ បង​ប្អូន​ដឹងហើយថានៅក្នុងជីវិតលោកិ៍យ មានរឿងច្រើនដែលទាម​ទារចិត្តរបស់​យើង​ឱ្យឆ្ងាយ​ពីព្រះជាម្ចាស់​ជា​ពិ​សេ​ស​គំនិតរកស៊ី គំនិតដែលធ្វើឱ្យយើងរវីរវល់តែក្នុងលោកនេះ ជាពិសេសគំនិត លោភ​លន់​។

បងប្អូនស្គាល់បទចម្រៀង“ខ្ញុំផ្ដល់សេចក្ដីសុខសាន្ត”បទនេះពិរោះ និពន្ធដោយលោកពុកកាន។ ចម្រៀ​ង​​នោះ​រៀបរាប់ថា របស់ដែលខ្ញុំឱ្យអ្នករាល់គ្នាមិនដូចមនុស្សលោកឲ្យទេ! ​គឺ​សេចក្ដី​សុខសា​ន្ត​​របស់​ព្រះ​អ​ម្ចាស់​! បទចម្រៀងនោះពិរោះមែនទែន សង្ឃឹមថាបងប្អូ​នថ្ងៃ​នេះ​អាច​ជាសូត្រ​ ឬ​ស្មូត​បទ​ចម្រៀង​នោះ ទាំងស្ដាប់ព្រះបន្ទូលថ្ងៃអាទិត្យទី២០នេះ ពិតជាមានខ្លឹមសារច្រើនសម្រាប់យើង។

ជម្រាបសួរបងប្អូនជាទីស្រឡាញ់! ថ្ងៃនេះយើងមកជាមួយគ្នាដើម្បីបន្តអធិដ្ឋាន​​ទូលសសេចក្ដីសុខសាន្ត សន្តិភាពរវាងប្រទេសយើងទាំងពីរគឺកម្ពុជាថៃ។ បាទ! សូមព្រះជាម្ចាស់ជួយបំភ្លឺដល់ថ្នាក់ដឹកនាំទាំង​ពីរ​​​ស្វះស្វែងរកសន្តិភាព ជា​ជាង​ធ្វើ​សង្គ្រាមដាក់​គ្នា​ទៅវិញទៅមក។ ដូច្នេះយើង​សុំអធិដ្ឋា​ន​និង​សូម​ថ្វាយ​ទុក្ខ​លំបាក​របស់ប្រជាជនយើងទាំងអស់គ្នាទៅក្នុងព្រះហស្ថរបស់ព្រះជាម្ចាស់។

បងប្អូនជាទីស្រឡាញ់! នៅថ្ងៃនេះយើងមានអត្ថបទដំណឹងល្អទាក់ទងនឹងពិធីមង្គលការរបស់​ព្រះបុត្រា​របស់​​ព្រះជាម្ចាស់គឺព្រះយេស៊ូ។ ព្រះយេស៊ូយាងមកនៅក្នុងលោកនេះ ហើយចូលរួមពិធីមង្គល​ការរបស់​ព្រះអង្គ មង្គលការនោះ​រៀបចំឡើងយ៉ាងពិសេសព្រោះមាន​ស្រាទំពាំងបាយ​ជូរ​ គឺជា​ព្រះលោហិត​របស់​ព្រះយេស៊ូ​ជា​ព្រះបេះ​ដូងរបស់ព្រះយេស៊ូដែលនៅលើឈើឆ្កាង។ ព្រះយេស៊ូត្រាស់ហៅ​យើងឱ្យចូលរួមនៅ​ក្នុងពិធី​មង្គ​ល​ការ ប៉ុន្តែពេលខ្លះយើងបៀបដូចជាភ្ញៀវនៅក្នុងអត្ថបទដែលមិនព្រមចូលរួម។

អត្ថបទ​ដំណឹងល្អ នៅ​ក្នុង​ថ្ងៃ​នេះ បង្ហាញ​យើង​ពី​លក្ខណៈ​ពិសេស​របស់​គ្រីស្ត​សាសនា គឺ​ព្រះយេស៊ូ​សូម​ឲ្យ​សាវ័ក​របស់​ព្រះអង្គ ស្រឡាញ់​មិន​ត្រឹមតែ​ស្រឡាញ់​អ្នក​ដទៃ ប៉ុន្តែ​ស្រឡាញ់​ទាំង​ខ្មាំង​សត្រូវ ស្រឡាញ់​អស់​អ្នក​ដែល​ធ្វើ​បាប​យើង។ ជារឿងដែល​ពិត​ជាពិបាកមែនទែន ការដែលឲ្យយើងទៅស្រឡាញ់​អ្នកដែល​ធើ្វ​បាបយើង ផ្ទុយពីការសងសឹកនោះ ឬ​យ៉ាង​តិច​យើង​មិន​និយាយ​ជាមួយ​។