សម្តេចប៉ាបតែងតាំងលោកអភិបាលពីររូបប្រចាំនៅព្រះសហគមន៍ពីរនៅឥណ្ឌា

វិទ្យាវ៉ារីតាសអាស៊ីបានរាយការណ៍ថា នៅក្នុងខែកុម្ភៈឆ្នាំ២០២៤ នេះសម្តេចប៉ាបហ្រ្វង់ស៊ីស្កូ បានធ្វើការតែងតាំងលោកអភិបាលនៃព្រះសហគមន៍ពីរនៅក្នុងប្រទេសឥណ្ឌា ។​

សម្តេចប៉ាបបានតែងតាំងលោកបូជាចារ្យ កាណាម ដាមេន កុមារ (Karnam Dhaman Kumar) គឺជាអភិបាលនៃព្រះសហគមន៍​ណាលហ្គុងដា (Nalgonda) ភាគខាងត្បូងនៃប្រទេសឥណ្ឌា ។ 

លោកអភិបាលថ្មី ត្រូវបានគេដឹងថា កើតនៅថ្ងៃទី​១៦ ខែវិច្ឆិកា ឆ្នាំ​១៩៦៣ នៅរដ្ឋអានដ្រា ប្រាដេសប្រទេសឥណ្ឌា ហើយបានក្លាយជាបូជាចារ្យនៅក្នុងថ្ងៃទី​១៧ ខែ​តុលា ឆ្នាំ​១៩៩០ និង បា​ន​បម្រើកិច្ចការព្រះសហគមន៍ជាច្រើន ដោយរួមទាំងជានាយកសាលាទេវវិទ្យាល័យ ផងដែរ ។

ដោយឡែក លោកបូជាចារ្យ សាជីលី ប្រាកាស (Sagili Prakash) ក៏ត្រូវបានសម្តេចប៉ាបតែងតំា​ងជាអភិបាលនៃព្រះសហគមន៍ខាំម៉ាំ (Khammam) ដែលជាព្រះសហគមន៍មួយស្ថិតនៅភាគខាងត្បូងនៃប្រទេសឥណ្ឌាផងដែរ ។​

លោកបូជាចារ្យកើតនៅថ្ងៃទី២ ខែ មករា ឆ្នាំ​១៩៥៧ និងបានក្លាយជាបូជាចារ្យនៅក្នុងថ្ងៃទី ២៥ ខែ មេសា ឆ្នាំ​១៩៨៤ ដោយធ្លាប់បានដឹកនាំកិច្ចការព្រះសហគមន៍ជាច្រើនដោយរាបតាំងពីកិច្ចការយុវជនជ​ ហើយចុងក្រោយនៅមុនតែងតាំងជាអភិបាល លោក គឺជាអ្នកសម្របសម្រួលក្រុ​មការងារអន្តរសភាលោកអភិបាលព្រះសហគមន៍កាតូលិកឥណ្ឌាទទួលបន្ទុកផ្នែកសុខភាព៕