ម៉េចហើយផែនការរំដោះចិញ្ចើមផ្លូវរបស់សាលារាជធានីភ្នំពេញ?

ផែនការរំដោះចិញ្ចើមផ្លូវនៅតាមមហាវិថីមួយចំនួននៅរាជធានីភ្នំពេញដែលបានប្រកាសកាលពីប៉ុន្មានឆ្នាំមុន មកដល់ពេលនេះហាក់ដូចជាស្ងប់ស្ងាត់ ក្រោយពេលដែលបានធ្វើមួយប្រាវៗ ហើ​យបានឃើញលទ្ធផលខ្លះៗមកនោះ។

ក្រោយចំណាត់ការរបស់អាជ្ញាធរឃើញថា ស្ថានភាពនេះហាក់ដំណើរការទៅមុខ ប៉ុន្តែនៅពេ​លនេះហាក់ដូចជាស្ងប់ស្ងាត់ឡើងវិញ ដូច្នេះហើយបានជាទិដ្ឋាភាពសណ្តាប់ធ្នាប់នៅតាមចិ​ ញ្ចើ​មផ្លូវហាក់កំពុងតែវិលមករកសកម្មភាពនិងរូបភាពដូចជាពីមុនឡើងវិញ ។​

បណ្តាចិញ្ចើមផ្លូវ​នៅតាមមហាវិថីសំខាន់ដែលជាគោលដៅ នៅពេលនេះ​បានក្លាយជាកន្លែងច​ត​យានយន្ត​ កន្លែងចំណតម៉ូតូ កន្លែងធ្វើអាជីវកម្ម​​ និង កន្លែងរកចំណូលផ្សេងៗ​ ខណៈដែលអ្ន​ក​ដែលដើរគឺនៅតែបន្តគ្មានផ្លូវដើរស្របតាមសិទ្ធិ និងច្បាប់ចរាចរណ៍។​

ដោយសារតែស្ថានភាពមិនអំណោយផងបែបនេះ ទើបបានជាអ្នកដែលត្រូវដើរនៅលើចិញ្ចើមផ្លុវនៅពេលនេះនៅតែបន្តដើរនិងប្រើប្រាស់សាច់ទ្រូងផ្លូវ ដែលគេកសាងឡើងសម្រាប់តែយា​នជំនិះនោះ ទាំងប្រថុយប្រថាន នឹងគ្រោះថ្នាក់ជាយថាហេតុផ្សេងៗ​។​

ទិដ្ឋភាពអវិជ្ជមានទាំងនេះ កំពុងតែវិលមករករូបភាពដើមបណ្តើរៗឡើងវិញ​ហើយប្រសិនបើនៅតែបន្តទៀត​នោះ មិនយូរទេ ស្ថានភាពដើមនឹងវិលមកវិញយ៉ាងឆាប់រហ័ស ទោះបីជាផ្លូវមួយចំនួន ដូចជានៅតាមបណ្តោយមហាវិថីនរោត្តម ដែលនៅតាមចិញ្ចើមអាជ្ញាធរបានរៀបចំ​អោយមានតាំងពីកន្លែងដើរដែលមានស្នាមសម្រាប់អ្នកពិការភ្នែកដើរបានដែរនោះ ក៏ត្រូវបានគេរំលោភឡើងវិញបណ្តើរៗអស់ហើយ។​

សូមលើកកំពស់ និងបន្តយកចិត្តទុកដាក់លើការផែនការដែលបានដាក់ចុះ ពោលគឺបើផែនការនេះមិនទៅមុខទេ សូមអោយបន្តរក្សាសមិទ្ធផលដែលការងារនេះអាចធ្វើបានកន្លងមក ។ នៅក្នុងករណីយើងនៅតែបន្តបន្ថយដៃ មិនត្រឹមតែផែនការនេះមិនទៅមុខទេ គឺវាក៏នឹងអាចដើរថ​យ​ក្រោយថែមទៀត​។​

សូមជ្រាបថា ចិញ្ចឹមផ្លូវមិនមែនជាកន្លែងកម្មសិទ្ធិផ្តាច់មុខរបស់នរណាម្នាក់ឡើយ ចិញ្ចឹមផ្លូវជារបស់សាធារណៈ ហើយគ្រប់គ្នាសុទ្ធតែមានសិទ្ធិប្រើប្រាស់បានដូចៗគ្នាអាស្រ័យនៅលើច្បាប់កំណត់ ដូច្នេះ​សូមលើកកំពស់​ការចូលរួមការពារនិងថែមរក្សា​ចិញ្ចឹមផ្លូវតាមការកំណត់ និងព្រ​មព្រៀងកន្លងមក ដើម្បីធ្វើយ៉ាងណា ពលរដ្ឋនៅតែអាចរស់បាននឹងការអាស្រ័យផលនឹងចិញ្ចឹ​មផ្លូវនេះ ហើយ​អ្នកដំណើរក៏មានចំណែកដើម្បីនឹងប្រើប្រាស់តាមសិទ្ធិដែលពួកគេគួរតែទទួលអំពីបញ្ហានេះ៕