អភិបាលរងខេត្តបន្ទាយមានជ័យម្នាក់ ត្រូវឃាត់ខ្លួន

លោក គឹង វណ្ណៈ អភិបាលរងខេត្តបន្ទាយមានជ័យ ត្រូវបានកម្លាំងកងរាជអាវុធហត្ថខេត្តធ្វើការឃាត់ខ្លួន នៅថ្ងៃទី១០ ខែមិនថុនា ឆ្នាំ២០២២នេះ ពាក់ព័ន្ធនឹងការចេញសែកស្អុយ។

យោងតាមសារព័ត៌មានក្នុងស្រុក បានឱ្យដឹងថា លោក គឹង វណ្ណ: អភិបាលរងនៃគណ:អភិបាលខេត្តបន្ទាយមានជ័យ ត្រូវបានកងកម្លាំងរាជអាវុធហត្ថធ្វើការឃាត់ខ្លួន ដោយសារការចេញសែកស្អុយ។

មន្រ្តីខេត្តនេះមិនទាន់មានការបញ្ជាក់លំអិតនៅឡើយទេពីករណីនេះថាមានការពាក់ព័ន្ធជាមួយនឹងករណីអ្វីពិតប្រាកដនោះទេ គ្រាន់តែថាការឃាត់ខ្លួនតាមដីការបស់តុលាការ​ ពាក់ព័ន្ធការចេញសែកស្អុយ តែប៉ុណ្ណោះ។

ប្រភពច្បាស់ការណ៍បានបង្ហេីបអោយដឹងថា​ លោកគឹង​ វណ្ណ:​ អភិបាលរងខេត្តបន្ទាយមានជ័យ​ ត្រូវជាប្អូនថ្លៃឯកឧត្តមទេសរដ្ឋមន្ត្រី​ ម្នាក់។ ហេីយកំពុងតែមានអ្នកអន្តរាគមន៍ដេីម្បីអោយនៅក្រៅឃុំ​ និងសម្របសម្រួលជាមួយដេីមបណ្តឹង។ សារព័ត៌មានធំៗក្នុងស្រុកមួយចំនួនត្រូវ​បានគេបិទមិនឲ្យផ្សាយនោះទេ បន្ទាប់ពីបានផ្សព្វផ្សាយ។ ដោយមានអ្នក​រត់ការអន្តរាគមន៍ក្នុងរឿងនេះ៕

Add new comment

10 + 0 =