សម្តេចប៉ាបសរសើរការងារដ៏ក្លាហាន និងការងាររបស់បញ្ញវ័ន្តគ្រីស្តសាសនិក

សម្តេចប៉ាបហ្រ្វង់ស៊ីស្កូកាលពីសប្តាហ៍មុនបានជួបក្រុមបញ្ញាវ័ន្តគ្រី​ស្តសាសនិកដែលបានចូលរួ​មកិច្ចប្រជុំលើកទី២៦ នៃក្រុមបញ្ញវ័ន្តគ្រីស្តសាសនិក ដែលហៅថា Pauline Ecumenical Colloquium ដោយបានលះបង់និងការខិតខំកសាងទំនុកចិត្តខាងវិញ្ញាណ ជាមូលដ្ឋានសម្រាប់ជំ​រុញការសន្ទនាអន្តរសាសនាប្រកបដោយនិរន្តរភាព។​

នាឱកាសនោះ សម្តេចប៉ាប បានមានបន្ទូលលើកសរសើរនូវការងាររបស់ក្រុមអ្នកប្រាជ្ញដែលឧ​ទ្ទិ​ស និងលះបង់ពេលវេលា ក៏ដូចជាការខិតខំប្រឹងប្រែងពន្យល់សង្គម​ពីការរួមចំណែកដ៏អស្ចា រ្យ​របស់ពួកគេ និងបង្កើនការយល់ពីព្រះជាម្ចាស់តាមបំណងនឹងសេចក្តីស្រលាញ់ដ៏ពិតប្រាកដ ។

សម្តេចប៉ាបបានសង្កត់ធ្ងន់លើការជួយពីក្រុមអ្នកប្រាជ្ញដែលជួយឲ្យមាន «ការផ្លាស់ប្តូរយ៉ាង​ម៉ត់ចត់ និងប្រកបដោយមនៈសិកា» ក្នុងការយល់ពីបំណងរបស់ព្រះជាម្ចាស់។

សម្តេចប៉ាបបានពណ៌នាអំពីគំនិតផ្តួចផ្តើមនេះថាមានភាពក្លាហានក្នុងការយកឈ្នះលើ «ឧប​សគ្គ​នានា» ហើយក៏​ជាបំណង ​ក្នុង​ការ​លើក​កម្ពស់​ភាព​អត់​ធ្មត់​នៃ​ព្រះវិញ្ញាណ​ដើម្បីលើកកំពស់​​​ការ​តាំងចិត្ត។

សម្តេចប៉ាប​បាន​មាន​បន្ទូលថា ប្រសិន​បើ​ការ​បែក​បាក់​គ្នា​ក្នុង​ប្រវត្តិសាស្ត្រ​ជា​ប្រភព​នៃ​ការ​រងទុ​ក្ខ​នោះ ថ្ងៃនេះ យើង​ត្រូវ​តែ​តាំងចិត្ត​ខ្លួន​យើង​ក្នុង​ការ​ផ្លាស់ប្តូរ​ដំណើរ​ឆ្ពោះទៅ​មុខ​ដោយឈរលើ​មាគ៌ា​នៃ​ការ​រួបរួម និង​ភាតរភាព ដែល​ចាប់​ផ្តើម​យ៉ាង​ជាក់លាក់​ដោយ​ការ​អធិស្ឋាន សិក្សា និង​ការ​ធ្វើ​ការ​ជាមួយ​គ្នា៕