សម្តេចប៉ាបជួបជាមួយនឹងក្រុមគ្រួសារអ្នកដែលត្រូវបានត្រាស់ហៅ

ថ្មីៗនេះសម្តេចប៉ាបហ្រ្វង់ស៊ីស្កូបានយាងជួបសាវនាការជាមួយនឹងក្រុមគ្រួសាអ្នកដែលត្រូវបានត្រាសហៅ ហើ​យបានលើកទឹកចិត្តឲ្យពួកគេបន្តជួយគ្រី​ស្តបរិស័ទដើម្បីស្វែងយល់ពីព្រះជាម្ចាស់។

សម្តេចប៉ាបបានមានបន្ទូលថា អ្នកដែលត្រាស់ហៅ គឺត្រូវតែបើកលំហរនៃសេចក្តីស្រលាញ់​ និងក្រុមគ្រួសា​រ​របស់ពួកគេក៏ត្រូវតែបន្តគាំទ្រការសម្រេចចិត្តរបស់ពួកគេដោយអំណរសប្យាយ។​

វ៉ាទីកង់ញូវបានរាយការណ៍ថា ជំនួបនេះបានធ្វើឡើងនៅពេលដែលក្រុមគ្រួសារគ្រី​ស្តបរិស័ទមកពីទីក្រុង ណាមផលេស (Naples) បានជួបជុំគ្នាដើម្បីរំលឹកខួបមួយឆ្នាំនៃការតែងតាំងមរណៈសាក្សីមួយរួបឈ្មះ ចាស់ស្ទីន ម៉ារៀ រ៉ូសូលីឡូ (Justin Maria Russolillo) ជាសត្តបុគ្គល ។

ក្រុមគ្រួសារនេះ ត្រូវបានគេដឹងថា​បានបង្កើតឡើងនៅអ៊ីតាលីតាំងតែពីឆ្នាំ​១៩២០ ហើយ នៅពេលនេះកំពុងតែប្រកាសដំណឹងល្អ នៅប្រទេស មួយចំនួន ដែលរួមមាន​ដូចជា ប្រេស៊ីល អាមេរិក អហ្សង់ទិន នីហ្សេរីយ៉ា ហ្វីលីពិន ឥណ្ឌា​ ម៉ាដាហ្គាស្កា កូឡុំប៊ី អេក្វាឌ័រ ឥណ្ឌូនេស៊ី អង់គ្លេស និង​ឈីលី៕